Не е време
за плачење,
а уште помалку
за тагување.
Тоа што ти признав
дека те сакам,
не ти дава право,
да си играш со мене.
Ми паѓа многу лесно,
иако се скина парче
од мојата душа.
Впрочем,
тоа на твоето
удобно преноќиште.
Овој пат не боли!
Ти, не знаеш да сакаш!
Ти скиташ!
Од еден,
на друг профил.
Низ Македонија, Русија,
Белорусија и Бугарија!
По девојчиња и млади жени,
а ти веќе дедо!
Јас лично, ловец те нареков !
Дали знаеш што бараш?
Зборот љубов
е шеталиште за тебе.
Искреност,
е нешто изгубено
во воздухот.
Ах, да, па што друго!
Неиживеаност!
Доцен пубертет!
Заостаната еволуција
во развој на возраста.
Не не, за тоа
ти не си крив!
Мајката природа.
Е па,
како тебе
да ти се лутам?!
Многу его во тебе,
премногу комлекси!
Талкај!
Навистина е подобо
таму,
каде што
не те познаваат.
Каде што
не те гледаат во живо!
Пред нив може
да бидеш тоа
што ти сакаш.
Да се фалиш
и да се дигаш.
Фантазии на далечина
и ништо во нив.
Важно,
ти годи вниманието!
Ти веруваат!
Не знаат ништо за тебе!
Во нивните очи
се црташ по своја шема.
Голем љубовџија
и важна личност.
На крајот,
сепак ти остануваат
само филмските
љубовни сцени.
За разлика од мене,
јас, знам кој си !
Ти си човек,
што нанесува болка
и болката ја чувствува,
само на својата кожа.
Човек,
што не признава грешки.
Не ги согледува!
Те жалам,
што не знаеш
кога грешиш!
Хм, а кога добиваш
за возврат на нив,
збудалуваш!
Шарени и безбројни,
веќе и досадни
игри се тие!
Сполај му на Господа,
што ми вметнал
многу доверба во себе!
Ако треба ,
недопирлива сум !
Друг пат, знам што е добро
и умеам да сакам!
Да давам
и да примам љубов.
Целосно да се посветам
и да се предадам
на тој што го сакам.
Кога ќе треба,
и се да сторам
за да го задржам.
Затоа,
насмевката ми остана!
Носи се по ѓаволите,
ти и твоите
округли зборови!
Ги вртиш и превртуваш
и пак не знаеш
да ги изговориш.
Ќути, само ќути, трај !
Кога не можеш поинаку,
пропаѓаш во тишината!
Таму се дише заштита.
Таму се сокриваат
маленкоста
и детето во себе.
Јас,сакам да сакам
возрасен човек!
Дај,
порасни веќе еднаш!
Допри ја искрената љубов
и научи се,
со душа и срце да љубиш!
Дозволи да бидеш среќен!
Да уживаш,
во најубавото нешто
на светот!
Жити Господ,
пронајди се веќе еднаш себеси!
Cometarii